VOA Presents Fikre Selassie Wogderess & Tamrat Layne on Dr Abiy Ahmed


ጠቅላይ ሚኒስትር በሕግ የተደነገገ ሥራ ቢኖረውም ሁሉም ጥቅል ነውና መንግሥቱ የሚፈፅማቸውን ተግባራት ዝርዝር እያበጀ ሃገር ያስተዳድራል፤ ሕዝብን ይመራል።

ዋሺንግተን ዲሲ —
አዲሱ ጠቅላይ ሚኒስትር ‘ይህን ይህን እንዲሠሩ ወይም እንዲሠሩልን እንፈልጋለን፤’ የሚሉ ዜጎች፣ የዜጎች ማኅበራትና ስብስቦች፣ ዓለምአቀፍ ተቋማትና የመብቶች ተሟጋቾች ቁጥራቸው ብዙ ነው።

ለመሆኑ ጠቅላይ ሚኒስትር በኢትዮጵያ ምን ማለት ይሆን?

ከዚህ ጋር የተያያዙት የድምፅ ፋይሎች ከሁለት የቀድሞ ጠቅላይ ሚኒስትሮች ጋር የተደረጉ ቃለ-ምልልሶችን ይዘዋል።

በደርግ ዘመን ጠቅላይ ሚኒስትር የነበሩት ሻምበል ፍቅረሥላሴ ወግደረስ እና ከደርግ በኋላ ደግሞ በሽግግሩ ዓመታት ጠቅላይ ሚኒስትር፣ ኢሕአዴግ መንግሥቱን ሲያቆም ደግሞ ምክትል ጠቅላይ ሚኒስትር ሆነው ያገለገሉት አቶ ታምራት ላይኔ የአሁኑ ጠቅላይ ሚኒስትር አብይ አሕመድ ቃለ-መሃላ ከመፈፀማቸው አንድ ቀን ቀደም ብሎ ከቪኦኤ ጋር ባደረጓቸው በእነዚህ ቃለ-ምልልሶች አዲሱን ጠቅላይ ሚኒስትር የሚጠብቋቸው ፈተና እጅግ ከባድ እንደሚሆኑ በየግላቸው ተናግረዋል።

ምንም እንኳ ሁለቱም የቀድሞ ባለሥልጣናት ቢሮዎቻቸው የዋና ሥራ አስፈፃሚ ቀጥተኛ ኃላፊነትና ተግባር አይኑሯቸው እንጂ ሥራውን ለማወቅ ከእነርሱ የቀረበ አልነበረምና ተሞክሮዎችና ምክሮቻቸው የግንባር ወይም የመስክ ናቸው ማለት ይቻላል። ያዳምጧቸው።

Leave a Reply

Your email address will not be published. Required fields are marked *