ከ217 የአሜሪካ ባንኮች ዘርፎ ለደሆች የለገሰው ቤንዴላጅ የፍልስጤም ድሆች አባት…

ቤንዴላጅ የፍልስጤም ድሆች አባት
<<ኤርሚያስ ቶኩማ>>
ሃምዛ ቤንዴላጅ አልጀሪያዊ የአይሲቲ ባለሙያ ሲሆን በአሜሪካ ከሚገኙ 217 ባንኮች በርካታ ሚሊየን ዶላሮችን በመዝረፍ ገንዘቡን ለፍልስጤም የእርዳታ ድርጅቶች በመስጠት በርካታ ድኃ የፍልስጤም ዜጎች መሰረታዊ ፍላጎታቸው እንዲሟላ ያደረገ ግለሰብ ነው።
ሃምዛ ቤንዴላጅ ከልጅነቱ ጀምሮ በአይሲቲና ተያያዥ ጉዳዮች ምጡቅ የሆነ አእምሮ የነበረው ወጣት ሲሆን “Spyeye” የተባለ የኮምፒውተር ቫይረስ በመስራት በአሜሪካን በተለያዩ ባንኮች የሚገኙ ወደአንድ ነጥብ ሦስት ሚሊየን የሚጠጉ ኮምፒውተሮችን ሃክ በማድረግ በርካታ ሚሊየን ዶላሮችን ለፍልስጤም ግብረ ሰናይ ድርጅቶች ሲሰጥ ከዘረፈው ገንዘብ ላይ ለግል ጥቅሙ ያዋለው ምንም አይነት ገንዘብ እንደሌለም መረጃዎች ያስረዳሉ።
ይህ ያለውን እውቀት ተጠቅሞ በአሜሪካ የሚገኙ ባንኮችን በመዝረፍ ለፍልስጤም ድሃዎች የተረፈው አልጀሪያዊ ወጣት በ2013 ታይላንድ ውስጥ በፖሊስ ተይዞ ለአሜሪካኖች ተላልፎ ሲሰጥ በዙሪያው ለነበሩ ጋዜጠኞች እንደተናገረው “በሕይወት ዘመኔ ሁሉ የማይፀፅተኝ ሥራ ሠርቻለሁ እኔ በሰጠዃቸው ገንዘብ በርካታ ፍልስጤማዊያን እና አፍሪካውያን በልተው ማደር ችለዋል፤ አንዱ ጠግቦ እያደረ ሌላው መራብ የለብትም” ሲል ተናግሯል።
ሃምዛ ቤንዴላጅ ታይላንድ ላይ ተይዞ ለአሜሪካ ተላልፎ ከተሰጠ በዃላ በ2015 የአሜሪካኑ የጆርጂያ ግዛት ፍርድ ቤት የ15 አመት እስር ተፈርዶበት እስካሁንም ድረስ በእስር ላይ የሚገኝ ሲሆን ከፍርዱ በዃላ የሃምዛን ስራዎች የሰሙ በርካታ የአይሲቲ ባለሙያዎች ሃምዛ ቤንዴላጅ እንዲፈታ የተለያዩ ጥያቄዎችን ያቀረቡ ሲሆን የአሜሪካ መንግሥት ለጥያቄው ጆሮ ዳባ ልበስ በማለቱ አድናቂዎቹ ሃምዛ የጀመረውን ስራ በመቀጠል የአሜሪካን ትላልቅ ተቋማት መረጃዎችን ሳይቀር ሃክ እያደረጉ በማውጣት CIAን ጭንቀት ውስጥ ከተውት ይገኛሉ።
የሃምዛ ተግባራት ተገቢ ናቸው አይደሉም በሚል በርካታ ክርክሮች ቢኖሩም ለእንደኔ አይነቱ ፀረ አሜሪካ ለሆነ ግለሰብ ብቻ ሳይሆን ምእራባውያን በአለም ላይ እየፈፀሙት ያሉትን ተግባራት ለሚያውቅ ሠው የሃምዛ ተግባር በመልካምነቱ ሲጠቀስ የሚኖር ነው።
#ኤርሚያስ_ቶኩማ

Leave a Reply

Your email address will not be published. Required fields are marked *